ഭരണഘടനയും ദേശീയ ഐക്യവും സംരക്ഷിക്കുവാൻ കേരളത്തിലെ ലത്തീൻ മെത്രാന്മാരും! 

ഭാരതത്തിന്റെ ഭരണഘടന സംരക്ഷിക്കുവാനും ദേശീയ ഐക്യം കണ്ണിലെ കൃഷ്ണമണിപോലെ കാത്തുസൂക്ഷിക്കുവാനും, അതിനു വിരുദ്ധമായ പൗരത്വ നിയമത്തിനെതിരെ പ്രധിഷേധിക്കുവാനും, ജനുവരി 26 ഭരണഘടന സംരക്ഷണ ദിനമായി ആചരിക്കുവാനും കേരള ലത്തീൻ മെത്രാൻ സമിതി ഇടയലേഖനം പുറപ്പെടുവിച്ചു.

കേരള ലത്തീൻ ഏകോപന സമിതിയുടെ (KRLCC) മുപ്പത്തഞ്ചാമത്‌ ജനറൽ അസ്സംബ്ലിക്ക് മുന്നോടിയായി, ജനുവരി പത്താം തീയതി നടന്ന ലത്തീൻ കത്തോലിക്കാ മെത്രാൻ സമിതി യോഗം ചേർന്നാണ് ഈയൊരു ശക്തമായ നിലപാടിന് തീരുമാനം എടുത്തത്. ഇടയലേഖനത്തിന്റെ പ്രസക്ത ഭാഗങ്ങൾ ചുവടെ:

രാജ്യത്തെ ആംഗ്ലോ-ഇൻഡ്യൻ സമൂഹത്തിന് ഭരണപങ്കാളിത്തം ലഭിക്കുന്നതിനുവേണ്ടി ഭരണഘടനാശില്പികൾ ഭരണഘടനയിൽ ഉൾപ്പെടുത്തിയ ആർട്ടിക്കിൾ 331 ഉം 333 ഉം പ്രകാരം ലോകസഭയിലയ്ക്ക് രണ്ട് എം.പി.മാരേയും സംസ്ഥാന നിയമസഭകളിലേയ്ക്ക് ഓരോ

എം.എൽ.എ. മാരേയും നോമിനേറ്റ് ചെയ്യുന്നതിനുള്ള അധികാരം ഇൻഡ്യൻ പ്രസിഡന്റിനുണ്ടായിരുന്നു. ഈ അധികാരം അഥവാ ആംഗ്ലോ-ഇൻഡ്യക്കാർക്ക് ഭരണഘടന നൽകിയ അവകാശം കേന്ദ്ര സർക്കാർ നിയമ ഭേദഗതിയിലൂടെ നിറുത്തലാക്കിയിരിക്കയാണ്. ആയതിന് കാരണമായി കേന്ദ്രസർക്കാർ പാർലിമെന്റിൽ പറഞ്ഞത് ഇൻഡ്യയിൽ 296 ആംഗ്ലോ-ഇൻഡ്യൻ സമുദായാംഗങ്ങൾ

മാത്രമേയുള്ളൂ എന്നാണ്! യാതൊരു പഠനവും അന്വേഷണങ്ങളും ചർച്ചയുമില്ലാതെ ആംഗ്ലോ ഇന്ത്യൻ നോമിനേഷൻ ഒഴിവാക്കിയത് കടുത്ത അനീതിയാണ്. ക്രൈസ്തവരോടുള്ള മതപരമായ വിവേചനമാണിത്. ആംഗ്ലോ-ഇന്ത്യക്കാർക്കുള്ള ഈ പ്രത്യേക അവകാശം പുനസ്ഥാപിക്കണം,

 

 

ജനുവരി 26 മഹത്തായ ഇന്ത്യൻ ഭരണ  ഘടനയുടെ സംരക്ഷണദിനമായി ആചരിക്കുവാൻ നമ്മൾ തീരുമാനിച്ചിട്ടുണ്ട്. ഭരണഘടനാശില്പികൾ രാഷ്ട്രത്തെക്കുറിച്ച കണ്ട സ്വപ്നങ്ങൾ തകർക്കുന്നതിനുള്ള ശ്രമങ്ങൾ രാജ്യത്ത് വർദ്ധിക്കുകയാണ്. രാഷ്ട്രീയ ദർശനത്തോടുകൂടി തന്നെ വിദ്യാർത്ഥി

കളും യുവജനങ്ങളും ഇന്ത്യൻ ഭരണഘടനയെക്കുറിച്ചു  ബോധവാന്മാരാകണം. അവരിൽ പൗരബാ

ധവും പൗരധർമ്മവും വളർത്തിയെടുക്കണം. ഇതിനായി ജനുവരി 26 ഞായറാഴ്ച ദിവ്യബലിക്കു

ശേഷം പൊതുവായും ബിസിസി (കുടുംബയോഗം) കളിലും മതബോധന ക്ലാസ്സുകളിലും യുവജന

-സമുദായ -സാമൂഹ്യ -സംഘടനകളുടെ യോഗങ്ങളിലും ഭരണഘടനയുടെ ആമുഖം വായിക്കുകയും ഭരണഘടന സംരക്ഷണ പ്രതിജ്ഞ എടുക്കുകയും ചെയ്യണം. തെരുവുപ്രകടനങ്ങൾക്കല്ല.

ബോധവത്കരണ പ്രക്രിയയ്ക്കാണ് നാം നേതൃത്വം കൊടുക്കേണ്ടത്. അന്നേ ദിവസം ദേശീയപതാക ഉയർത്തുകയും മതേതര ഇന്ത്യയെക്കുറിച്ചുള്ള ചിന്തകൾ പങ്കുവയ്ക്കുകയും വേണം. ഭരണഘടന

യുടെ ആമുഖം (preamble)ചുവടെ ചേർക്കുന്നു: 

 

“നമ്മൾ, ഇന്ത്യയിലെ ജനങ്ങൾ, ഇന്ത്യയെ ഒരു പരമാധികാര , സ്ഥിതിസമത്വ, മതനിരപേക്ഷ, ജനാധിപത്യ റിപ്പബ്ലിക്കായി സംവിധാനം ചെയ്യുന്നതിനും ഭാരതത്തിലെ എല്ലാ പൗരർക്കും സാമൂഹികവും സാമ്പത്തികവും രാഷ്ട്രീയവുമായ നീതി,

ചിന്ത, ആശയാവിഷ്കാരം, വിശ്വാസം, ഭക്തി, ആരാധന എന്നിവയ്ക്കുള്ള സ്വാതന്ത്ര്യം, സ്ഥാനമാനങ്ങൾ, അവസരങ്ങൾ, എന്നിവയിലുള്ള സമത്വം എന്നിവ ഉറപ്പുവരുത്തുന്നതിനും

സാഹോദര്യം എല്ലാവരിലും വളർത്തുന്നതിനും ദ്യഢനിശ്ചയം ചെയ്തുകൊണ്ട് നമ്മുടെ ഭരണ

ഘടനാസഭയിൽവച്ച്. 1949 നവംബറിന്റെ ഈ ഇരുപത്തിയാറാം ദിവസം, ഈ ഭരണഘടനയെ അംഗീകരിക്കുകയും നിയമമാക്കുകയും നമുക്കായിത്തന്നെ സമർപ്പിക്കുകയും ചെയ്യുന്നു.

മഹാത്മാഗാന്ധിയുടെ നേത്യത്വത്തിൽ അഹീംസ് ആയുധമാക്കി നമ്മൾ നേടിയ സ്വാതന്ത്ര്യം ലോകത്തിലെ ഐതിഹാസിക സംഭവവും സമാധാനസ്യഷ്ടിയ്ക്കുള്ള പുതിയ ചിന്താധാരയുമായി. മഹത്തായ ഇന്ത്യൻ ഭരണഘടന പണ്ഡിറ്റ് ജവഹർലാൽ നെഹ്റുവിന്റെയും ഡാ. ബി. ആർ.

അംബദ്കറുടെയും നേതൃത്വത്തിൽ രൂപപ്പെടുത്തുമ്പോൾ ലത്തീൻ സമുദായത്തിന്റെ മഹത്നേതാക്കളും അതിൽ പങ്കുചേർന്നിരുന്നു. ആനി മസ്കീൻ, എച്ച്. സി. മുഖർജി, ഫാ. ജെറോം

ഡിസൂസ, ഫ്രാങ്ക് അന്തോണി തുടങ്ങിയ നേതാക്കൾ നീതിയും സമാധാനവും പുലരുന്ന രാഷ്ടത്തെക്കുറിച്ചുള്ള സ്വപ്നങ്ങളാണ് ഭരണഘടനാ നിർമാണ സമിതിയിൽ പങ്കുവച്ചത്. രാഷടമനതാക്കളുടെയും ഭരണഘടനാ ശില്പികളുടെയും സ്വപ്നങ്ങൾ യാഥാർത്ഥ്യമാക്കേണ്ടത് നമ്മുടെ ഉത്തരവാദിത്തമാണ്. ഭരണാധികാരികൾ അതിനു വിരുദ്ധമായി പ്രവർത്തിക്കുമ്പോൾ അരുതെന്ന് പറയാനുള്ള ധൈര്യം പൗരന്റെ അവകാശമാണ്. അതുകൊണ്ട് ജനുവരി 26 ലെ ഭരണഘടനാസംരക്ഷണദിനം

ഉചിതമായി ആചരിക്കാൻ ഏവരും പങ്കുചേരണമെന്ന് മെത്രാൻ സമിതിക്കുവേണ്ടിയും കെആർ

എൽസിസിക്കു വേണ്ടിയും ഞങ്ങൾ ആഹ്വാനം ചെയ്യുന്നു.